ناول۔۔لاحاصل سے حاصل تک۔
ناول نگار۔۔فوزیہ کنول۔۔کنگن پور۔
قسط#12
”وه شاہجہان سے ملنے کی ہمت نہیں جھٹا پا رہی تھی“
کیونکہ اس کا دامن اس امید سے خالی تھا جو شاہجہان لگائے بیٹھا تھا۔
وہ صبح اٹھی منہ دھویا کپڑے بدل کر جب لاؤنج کی طرف بڑھی تو اسے ایسا لگا جیسے خالی لاٶنج بھی اسے منہ چڑ ھا رہا ہو کہ تم اپنے شاہجہان کو اک چھوٹی سی خوشی نہ دے سکی۔
”یہ محبت بھی کیا چیز ہے نہ ملے تو بدقسمتی، مل کر کھو جائے تو اس سے بھی بڑی بدقسمتی“
وہ محبت کے انہی جملوں میں اٹکی ہوئی تھی کہ
امی کی آواز نے چونکا دیا“
تمہاری طبیعت تو ٹھیک ہے ناں پلوشہ ۔۔۔؟
تمہاری چائےٹیبل پر پڑی پڑی ٹھنڈی ہو چکی ہے“
ہاں ماما بس سر میں تھوڑا سا درد ہے ۔
تو پین کلر کھا لو ناں۔۔۔“
اس نے سامنے ٹیبل پر پڑے موبائل کو گھورا تو وہ گیارہ کا وقت بتا رہا تھا۔۔۔“
اس نے جلدی سے پھو پھو کے گھر جانے کا فیصلہ کیا۔
امی میں پھوپھو کے گھر جانا چاہتی ہوں۔
ٹھیک ہے بیٹا لیکن جلدی واپس آ جانا۔
اس کے پاؤں بڑی مشکل سے اٹھ رہے تھے وه سوچ رہی تھی کہ شاہجہان کو کیسے کہہ پاۓ گی کہ تم محبت کی یہ جنگ ہار چکے ہو۔۔۔“
اپنے بے جان وجود کو گھسیٹتے ہوئے وه شاہجہان کے گھر تک لے آئی۔۔۔“
شاہجہان ۔۔۔۔۔“
شاہجہان۔۔۔۔“
شاہجہان کو کمرے میں نا پا کر وه پریشان ہو گئی۔
آخر کہاں جا سکتا ہے شاہجہان۔۔۔۔۔؟
وه حیران ہو کر ٹیبل پر پڑی کنول کی تصویر کو دیکھنے لگی۔۔۔“
جِسے شاید شاہجہان ساری رات دیکھتا رہا تھا۔
وه یہ دیکھ کر دھک سے رہ گئی۔
ہاۓ شاہجہان یہ تم نے کس امتحان میں ڈال دیا مجھے۔۔۔“
اسکی آنکھوں سے آنسو بہنے لگے ۔۔۔“
اتنے میں دروازہ کھلنے کی آواز آئی اور وه چونک کر کھڑی ہو گئی۔۔۔“
ایک پل کے لیۓ اسکا دل دھڑکا وه سوچنے لگی کتنا اچھا ہوتا اگر یہ دروازہ نا كهلتا تو ۔۔۔“
یہ جادو بھرا لمحہ اسے عجیب سے حصار میں قید کر گیا تھا۔۔۔۔“
ٹھنڈی ہوا چلنے لگی۔۔۔۔“
آج بارش تو نہیں تھی لیکن دھند نے سارا منظر دھندلا کر دیا تھا۔۔۔۔“
گھر کی چاردیواری کے علاوه باہر کی دنیا بھی خوبصورت ہے وه آج جان گئی ۔۔۔۔“
آج اسے اندازہ ہوگیا تھا کہ شاہجہان اس کے لیۓ کیا ہے۔
کتنی متاثر کن پرسنلیٹی ہے اسکی۔۔۔۔“
کتنی پیاری ہیں اسکی آنکھیں ۔۔۔۔“
کوئی کیسے ٹھکرا سکتا ہے شاہجہان کو۔۔۔۔۔؟
وہ تو کسی کا بھی آئیڈیل ہو سکتا ہے۔۔۔“
اس میں اتنی قابلیت ہے کہ کوئی لڑکی بھی اسکو پانے کی خواہش کرے گی۔۔۔۔“
کنول تم ایسا کیسے کر سکتی ہو۔۔۔۔؟
میں تمہیں بھی معاف نہیں کرونگی۔۔“
پلوشہ کا دل اچھل کر حلق تک آگیا،جب شاہجہان کی گرج دار نے اسکے کان پھاڑے “۔۔۔۔پلوشہ۔۔۔“اور ساتھ ہی وہ قہقہ لگا کر ہنسنے لگا“
ارے شاہجہان تم نے تو میری جان ہی لے لی“
پلوشہ تم نہیں جانتی میں کتنا بے چین ہوں اپنے محبت نامے کا جواب جاننے کے لیے“
میں نے کیسے ایک ایک پل کرکے رات کاٹی،تم نہیں جانتی پلوشہ“
”بچھڑ کر بھی ملتا ہے خوابِ نگر میں
یہ نیند نہ ہوتی“ہم تو مرگۓ ۔۔۔ہوتے“
”میں بتا نہیں سکتا کیسے کیسے وہ مجھے خوابوں میں ستاتی ہے،میرے خیالوں پہ قبضہ جماۓ بیٹھی ہے۔نہ دن کو چین،نہ راتوں کو نیند،مجھے ہر طرف اسی کی تشبہیہ نظر آتی ہے۔وہ میرے دل و دماغ پر چھاگٸ ہے،میں اب اسکے بغیر زندہ نہیں رہ سکتا پلوشہ۔۔۔۔“
”محبت کے موسم“
زمانے کے سب موسموں سے نرالے“
بہارو“خزاں انکی سب سے جُدا
الگ انکا سوکھا۔۔۔۔الگ ہے گَھٹا
محبت کے خطے کی آب و ہوا
ماورا“ ان کے عناصر سے۔۔۔۔جو
موسموں کے تغیر کی بنیاد ہیں
یہ زبان و مکان کے کم و بیش سے ایسے آزاد ہیں۔۔۔۔۔۔۔“
جیسے صبح ازل“جیسے شام فنا
شب و روز عالم کے احکام کو
یہ محبت کے موسم نہیں مانتے
زندگی کی مسافت کے انجام کو
یہ محبت کے موسم نہیں مانتے
رفاقت کی خوشبو سے خالی ہے جو
یہ کوٸی ایسا منظر نہیں دیکھتے
وفا کے علاوہ کسی کام۔۔۔۔۔۔۔کو
یہ محبت کے موسم نہیں مانتے۔
”پلوشہ پلک جھپکے بغیر شاہجہان کے اس انداز کو تکے جارہی تھی“اسے ایسا لگ رہا تھا جیسے شاہجہان یہ ساری شاعری اسکے کررہا ہے“
پلوشہ بتاٶ ناں“
کنول نے کیا کہا۔۔۔۔؟
کیوں مجھے تڑپاۓ جا رہی ہو۔۔۔۔؟
جلدی بتاٶ،تاکہ میری بےچین روح کو قرار ملے۔
میرے بے قرار دل کو سکون ملے اور میرے خیالات کو ٹھکانہ ملے۔۔۔۔“
شاہجہان”۔۔۔۔کنول کوٸی دنیا کی آخری لڑکی نہیں ہے۔
اور اتنی حسین و جمیل بھی نہیں کہ اسکی تعریفیں کرتے تمہاری زبان نہیں تھکتی“
پلوشہ نے لبوں پر پھیکی سی مسکراہٹ سجاتے ہوۓ کہا اور قدرے اجنبی سی ہوکر دوسری جانب لگی کھڑکی کی طرف دیکھنے لگی۔
میری مانو تو اسکا خیال اپنے دل سے نکال دو شاہجہان۔۔“
تم جانتی بھی ہو تم کیا کہہ رہی ہو پلوشہ۔۔۔۔؟
تم کنول کے بارے میں کچھ بھی کیسے بول سکتی ہو۔۔۔؟
ارے میرے دل سے پوچھو کیا ہے کنول۔۔۔؟
”چاند کی سب سے خوبصورت کرن ہے کنول“
چراغوں کی ٹمٹماتی لو ہے وہ۔۔۔“
گلشن کا دلکش پھول ہے وہ۔۔۔“
نسیمِ سحر کا پہلا جھونکا ہے کنول۔۔۔“
افق کی رونق ہے کنول۔۔۔“
سمندر کی ٹھنڈی لہر ہے کنول۔۔۔۔“
پریوں کی رانی ہے وہ۔۔۔“
میری روح کا چین ہے کنول۔۔۔“
میرے دل کا قرار ہے وہ۔۔۔۔۔“
میرے خیالات کی ملکہ ہے کنول۔۔۔“
میرے دل کی راجکماری ہے وہ۔۔۔۔“
میں اسکے بغیر جینے کا تصور بھی نہیں کرسکتا۔
”ارے حیسن چہرے عقل سے خالی ہوتے ہیں۔۔۔۔“
بھوسہ تو تمہارے دماغ میں بھرا ہے،عقل سے خالی تو تم ہوجو شاہجہان کے سامنے کنول کی براٸیاں کررہی ہو“
”حسین خدوخال سے آگے بھی بڑھو،فقط حسین چہرہ دیکھ کر ہی اپنی سدھ بدھ گنوا بیٹھے ہو“
ناپ سکو تو عقل بھی ناپو ناں۔۔۔۔۔“
”ارے اُس پہ ہزار حسین و جمیل ،زہین و فطین لڑکیاں قربان کردوں میں“
شاہجہان نے کنول کی سامنے ٹیبل پر رکھی تصویر پر نظریں ٹکاتے ہوۓ کہا۔
میں نے تو سوچا تھا تم میرا ساتھ دوگی اور آکر کہو گی شاہجہان تمہارے لیے لیے گڈ نیوز ہے“
کنول نے تمہارا پیار ایکسیپٹ کرلیا مگر تم آگٸ جلتی پہ تیل چھڑکنے۔
”لگی میرے ہی سامنے میری کنول کی براٸیاں کرنے۔۔۔“
شاہجہان تمہيں کیسے بتاٶں۔۔۔۔؟
جاری ہے۔۔۔۔۔۔۔۔۔۔۔۔۔“
0 Comments